बागलुङ । बागलुङ जिल्लाको गलकोट नगरपालिका ९ को बडगाँउस्थित मध्यपहाडी लोकमार्गको नालीमा एक पुरुषको शव भेटिएको छ । गलकोट नगरपालिका-९ का मित्रलाल गौतमका २४ वर्षीय छोरा नविन गौतमको शव फेला परेको
जिल्ला प्रहरी कार्यालय बागलुङका सूचना अधिकारी प्रहरी नायव उपरीक्षक मदन केसीले जानकारी दिए ।
मृतक गौतम उत्तानो अवस्थामा मृत फेला परेको र मृतक फेला परेको ७० मिटर तल उनले लगाएको चप्पल भेटिएको छ ।
घटनास्थलमा रहेका प्रहरी निरिक्षक थमनसिंह रानाकाअनुसार मृतक गौतमको अनुहारमा रगत रहेको र माथि ढिस्काबाट खसेजस्तो देखिए पनि घटनाको वास्तविकताबारे थप अनुसन्धानपछि खुल्ने छ ।
मृतक गौतम बाटोमा सोलिङको काम गर्ने खुलेको छ । मृतक गौतमको नाक र अनुहारमा चोट लागेको पनि प्रहरी निरिक्षक रानाको भनाई छ ।
