दाङ । दाङमा १५ वर्षीया किशोरीलाई बलात्कार गरेको आरोपमा २ जना पक्राउ परेका छन् । पक्राउ पर्नेमा तुलसीपुर नगरपालिका -१२ हरिपौराका २१ वर्षीय अशोक चौधरी छन् । अर्का एक जनाको भने प्रहरीले परिचय खुलाएको छैन । उनीहरूलाई आइतवार दिउँसो पक्राउ गरिएको प्रहरीले जनाएको छ ।
उनीहरूले ती किशोरीलाई ललाई फकाई सोही नगरपालिका ११ गैरागाउँस्थित नर्सरीमा लगेर शनिवार राति जबरजस्ती करणी गरेको उजुरी प्रहरीमा परेको थियो ।
सोही उजुरीका आधारमा इलाका प्रहरी कार्यालय तुलसीपुरबाट खटिएको प्रहरीले दुवै जनालाई पक्राउ गरेको हो । थप अनुसन्धान भइरहेको प्रहरीले जनाएको छ ।
