काठमाडौं । सत्ता साझेदार दल नेपाली कांग्रेसले प्रतिनिधि सभाको विषयगत समितिहरूमा पार्टीका तर्फबाट संयोजक तोकेको छ । शुक्रबार बसेको संसदीय दलको बैठकले समावेशी तवरले संसद्को विषयगत समितिहरूमा एकरएक संयोजक तोकेको प्रमुख सचेतक रमेश लेखकले जानकारी दिए ।
“संसद्भित्र जति विषयगत तथा संयुक्त समितिहरू हुन्छन्, त्यति नै सङ्ख्यामा कांग्रेसभित्र पनि समितिहरू हुने हाम्रो संसदीय दलको विधानमा उल्लेख छ । त्यसअनुरूप नै हामीले संयोजक तोकेका छौँ,” उनले भने ।
उनले संयोजकको जिम्मेवारी समावेशी हिसाबले प्रदान गरिएको बताए । ४० प्रतिशत महिला रहेको पनि उनले बताए । “त्यसबाहेक हामीले मधेसी, आदिवास जनजाति सबै क्लस्टरवाइज गरेका छौँ,” उनले भने ।
यी हुन् संयोजक :
१. अर्थ समिति, संयोजक : रामनाथ अधिकारी
२. अन्तर्राष्ट्रिय सम्बन्ध र पर्यटन समिति, संयोजक : डा. नारायण खड्का
३. उद्योग वाणिज्य र श्रम तथा उपभोक्ता हित समिति, संयोजक : रमा कोइराला पौडेल
४. कानून, न्याय तथा मानवअधिकार समिति, संयोजक : नागिना यादव
५. कृषि, सहकारी तथा प्राकृतिक स्रोत समिति, संयोजक : कुसुमदेवी थापा
६. महिला तथा सामाजिक मामिला समिति, संयोजक : आशा विक
७. राज्य व्यवस्था तथा सुशासन समिति, संयोजक : दिलेन्द्रप्रसाद बडू
८. पूर्वाधार विकास समिति, संयोजक : दिनेशकुमार यादव
९. शिक्षा, स्वास्थ्य तथा सूचना प्रविधि समिति, संयोजक : लीलादेवी बोखिम लिम्बू र,
१०. सार्वजनिक लेखा समिति, संयोजक : श्यामकुमार घिमिरे
