यू–१९ विश्वकप : बंगलादेशसँग नेपाल पाँच विकेटले पराजित

काठमाडौं । दक्षिण अफ्रिकामा जारी आईसीसी एक दिवसिय यू–१९ विश्वकप अन्तर्गत सुपर–६ को खेलमा नेपाल बंगलादेशसँग पराजित भएको छ।

टस जितेर पहिले ब्याटिङ गर्दै नेपालले दिएको १७० रनको लक्ष्य बंगलादेशले पाँच विकेटको क्षतिमा २५ दशमलव २ ओभरमा पूरा गर्‍यो।

बंगलादेशको जितमा जिसान आलमले ५५ रनको योगदान दिए। यस्तै आरिफूल स्लामले नटआउट ५९ रन बनाए। आशिक्यूर रहमान शिबलीले १६ बनाउँदा चोवाधुर महम्मद रिजवान १५ र अहरर अमिमले १२ रन जोडे।

नेपालका लागि बंगलादेशको पाँच विकेट सुवास भण्डारी एक्लैले लिए। ८ ओभर बलिङ गरेका भण्डारीले ४४ रन खर्चिँदै ५ विकेट लिएका हुन्।

दक्षिण अफ्रिकाको माङगाउन ओभलमा टस जितेर पहिले ब्याटिङ गरेको नेपालले ४९.५ ओभरमा १६९ रन बनाउँदै सबै विकेट गुमाएको थियो।

बंगलादेशविरूद्ध नेपालका लागि सबैभन्दा धेरै मध्यक्रमका ब्याटर विशालविक्रम केसी ४८ रन बनाए। उनले एक सय बल खेल्दै ४८ रन जोडेका हुन्।कमजोर सुरुवात गरेको नेपालले पहिलो पावर प्ले मै तीन विकेट गुमाएको थियो। ओपनिङ ब्याटर विपिन रावल चौथो ओभरमा २ रनमा आउट भए। आठौं ओभरमा आकाश त्रिपाठी र लगत्तै अर्को ओभरमा ओपनर अर्जुन कुमाल १४ रन बनाएर आउट भए।

कप्तान देव खनाल र विशालले चौथो विकेटका लागि ६२ रनको साझेदारी गरेका थिए। २८औं ओभरमा आउट हुनुअघि देवले ६० बलमा ३ चौकाको मद्दतमा ३५ रन बनाए।

देव आउट भएपछि नेपालले लगातार विकेट गुमायो। गुल्सन झा, दिपक बोहरा र दिपेश कँडेल तीनै जना ३(३ रनमा आउट भए। यस्तै आकाश चन्द पनि शून्यमै आउट भए। अन्तिमसम्म ब्याटिङ रहेका सुवास भण्डारीले नटआउट १८ रन जोडे। नेपालका लागि एक मात्र छक्का हिर्काएका दुर्गेश गुप्ताले अन्तिम विकेटको रुपमा आउट हुनुअघि ९ रन बनाएका थिए।

यता बंगलादेशका रोहानत बोर्सनले ४ विकेट लिए। शेख जीवनले ३ विकेट लिए। शेखले १० ओभरमा २ मेडन राख्दा ३४ रन खर्चिए।

यो समाचार पढेर कस्तो महसुस भयो ?

प्रतिक्रिया दिनुहोस

आफ्नो ईमेल हालेर न्युज खरीको सदस्यता लिनुहोला।

©2022 News Khari सर्वाधिकार सुरक्षित Site By : Shikhar Host

ताजा अपडेट

ट्रेन्डिङ

छुटाउनै नहुने

खोज्नुहोस

सम्पादक:

बिमल खड्का

ठेगाना:

काठमाडौँ महानपा-११, सुन्धारा

सूचना विभाग दर्ता नं. 

३६१५-२०७९/८०

+९७७-९८५१२५४५५६, info@newskhari.com

© २०२२ Newskhari.com सर्वाधिकार सुरक्षित

कम्पनी दर्ता नं : २९४४७३/०७९/०८०

सम्पादक:

विमल खड्का

ठेगाना:

काठमाडौँ महानपा-११, सुन्धारा

सूचना विभाग दर्ता नं. 

३६१५-२०७९/८०

+९७७-९८५१२५४५५६, info@newskhari.com newskhari@gmail.com

© २०२२ Newskhari.com सर्वाधिकार सुरक्षित