काठमाडौं । चितवनको भरतपुर महानगरपालिका–१६, शिवघाटमा बोलेरोले मोटरसाइकललाई ठक्कर दिँदा एकजनाको मृत्यु भएको छ ।
शरणपुरबाट नारायणगढ जाँदै गरेको बा.प्र.०३–००१ च ११९७ को नम्बरको बलेरोले बा.प्र.०३–००३प ८६२४ नम्बरको मोटरसाइकललाई शनिबार साँझ ठक्कर दिएको थियो ।
दुर्घटनामा ४१ वर्षीय मोटरसाइकल चालक मधुसुदन खत्रीको मृत्यु भएको प्रहरीले जनाएको छ । दुर्घटनामा गम्भीर घाइते भएका उनको उपचारका क्रममा नयाँ मेडिकल कलेज भरतपुरमा मृत्यु भएको हो ।
मोटरसाइकलमा सवार उनका छोरी १५ वर्षीय अपेक्षा खत्रीको भने सोही अस्पतालमा उपचार भइरहेको छ ।
