बागलुङ । प्रभु बैंक लिमिटेडका प्रमुख कार्यकारी अधिकृत (सीईओ) अशोक शेरचन गृहजिल्ला बागलुङमा सम्मानित भएका छन् । बुधबार सातौं बागलुङ महोत्सवमा शेरचन राष्ट्रपति रामचन्द्र पौडेलद्वारा सम्मानित भएका हुन् । राष्ट्रपति पौडेलले सिईओ शेरचनलाई सम्मानपत्र प्रदान गरेका थिए ।
प्रभु बैंकको प्रमुख कार्यकारी अधिकृतको रुपमा सफल नेतृत्व गरेको र बैकिङ क्षेत्रबाट देशको आर्थिक विकासमा महत्वपूर्ण योगदान दिएको भन्दै सिईओ शेरचनलाई सम्मान गरिएको हो ।
बागलुङमा जन्मेका शेरचनको बैंकिङ क्षेत्रमा २८ वर्षे लामो अनुभव छ । शेरचनको नेतृत्वमा रहेको प्रभु बैंकले केहीसमय अघि मात्रै ‘बैंक अफ दि इयर २०२३’ को उपाधि प्राप्त गरेको थियो ।