काठमाडौं । सर्वोच्च अदालतमा नवनियुक्त ६ न्यायाधीशहरुले पद तथा गोपनीयताको शपथ लिएका छन् । बिहीबार शितल निवासमा राष्ट्रपति रामचन्द्र पौडेलको उपस्थितिमा सर्वोच्च अदालतका प्रधानन्यायाधीश विश्वम्भरप्रसाद श्रेष्ठले नवनियुक्त ६ न्यायाधीशहरुलाई पद तथा गोपनीयताको शपथ गराएका हुन् ।
न्यायपरिषद्को सिफारिसमा संसदीय सुनुवाइ समितिबाट अनुमोदन भएका उनीहरुलाई बुधबार राष्ट्रपति पौडेलले सर्वोच्चको न्यायाधीश नियुक्त गरेका थिए ।
न्यायधीशहरु सारंगा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुंगाना, सुनिलकुमार पोखरेल र बालकृष्ण ढकालले सर्वोच्चको न्यायाधीश पदमा शपथ लिएका हुन् ।