दशैंपछि रोकिएको द्रुत बस सेवा आजदेखि पुनः सञ्चालनमा

काठमाडौं । दसैँपछि रोकिएको रत्नपार्क(सूर्यविनायक द्रुत बस सेवा आजदेखि पुनः सञ्चालनमा आउने भएको छ।

११ वटा बस थपेर पुनः सेवा सुरु गर्न लागिएको भौतिक पूर्वाधार तथा यातायात मन्त्रालयले जनाएको छ।

काठमाडौँको रत्नपार्कदेखि भक्तपुरको सूर्यविनायकसम्म १३ दशमलव ४ किलोमिटर दूरीमा गएको असोज ३ गते (संविधान दिवसका दिन) देखि सरकारले द्रुत बस सेवा सुरु गरेको थियो। त्यतिबेला २५ वटा बसबाट सुरु गरिएको यो सेवामा ११ वटा बस थप गर्ने तयारी छ।

सेवा सञ्चालनका क्रममा प्राविधिक र व्यवस्थापकीय पक्षमा देखिएका समस्याको हल गर्दै आजदेखि पुनः द्रुत बस सञ्चालन गर्न लागिएको सरकारले जनाएको छ।

अब हरेक दिन बिहान ९ बजेदेखि ११ बजेसम्म र साँझ चार बजेदेखि ६ बजेसम्म रत्नपार्क, भद्रकाली, माइतीघर, बबरमहल, नयाँ बानेश्वर, शान्तिनगर, कोटेश्वर जडीबुटी, कौशलटार, गट्ठाघर, चारदोबाटो हुँदै सूर्यविनायकसम्म द्रुत बस सञ्चालन हुनेछ।

द्रुत बसमा चढ्न र ओर्लनका लागि १९ स्थानमा बस स्टप रहनेछ। द्रुत बसको लेनमा अब डोरी लगाइने यातायात व्यवस्था विभागका महानिर्देशक उद्धव रिजालले बताए।

राजधानी काठमाडौँको सडकमा जाम कम गर्ने, निजी सवारीसाधन नभएका नागरिकलाई सार्वजनिक सवारी साधनमा आकर्षित गर्ने उद्देश्यले सरकारले द्रुत बस सेवा सञ्चालनमा ल्याएको हो।

रत्नपार्कदेखि सूर्यविनायकसम्म सामान्य बसमा यात्रा गर्दा डेढदेखि २ घण्टा लाग्ने गर्छ। द्रुत बसले भने रत्नकपार्कदेखि सूर्यविनायकसम्म ४५ मिनेटमै पुर्‍याउँछ।

यो समाचार पढेर कस्तो महसुस भयो ?

प्रतिक्रिया दिनुहोस

आफ्नो ईमेल हालेर न्युज खरीको सदस्यता लिनुहोला।

©2022 News Khari सर्वाधिकार सुरक्षित Site By : Shikhar Host

ताजा अपडेट

ट्रेन्डिङ

छुटाउनै नहुने

खोज्नुहोस

सम्पादक:

बिमल खड्का

ठेगाना:

काठमाडौँ महानपा-११, सुन्धारा

सूचना विभाग दर्ता नं. 

३६१५-२०७९/८०

+९७७-९८५१२५४५५६, info@newskhari.com

© २०२२ Newskhari.com सर्वाधिकार सुरक्षित

कम्पनी दर्ता नं : २९४४७३/०७९/०८०

सम्पादक:

विमल खड्का

ठेगाना:

काठमाडौँ महानपा-११, सुन्धारा

सूचना विभाग दर्ता नं. 

३६१५-२०७९/८०

+९७७-९८५१२५४५५६, info@newskhari.com newskhari@gmail.com

© २०२२ Newskhari.com सर्वाधिकार सुरक्षित