नेपालगञ्ज । बाँके प्रहरीले एक युवकलाई गोली हानेर नियन्त्रणमा लिएको छ। कोहलपुरमा केही दिन अघि मिनबहादुर विकलाई खुकुरी प्रहार गरेका आकाशजंग रानालाई प्रहरीले गोली हानेर नियन्त्रणमा लिएको हो।
बांके प्रहरी प्रवक्ता डीएसपी नारायण डांगीका अनुसार, प्रहरीलाई देखेपछि भागेका रानालाई तिघ्रामा गोली हानेर नियन्त्रणमा लिइएको छ।
प्रहरीले तीन गोली हानेकोमा रानालाई एक गोली लागेको थियो। प्रहरीले उनलाई खजुराबाट नियन्त्रणमा लिएको छ।
