बागलुङ । बागलुङमा जीप दुर्घटना हुँदा एक जना घाइते भएका छन्। बुधबार राती बागलुङ नगरपालिका–९ तित्याङबाट बागलुङ बजार आउँदै गरेको ग २ च २६३३ नम्बरको बोलेरो पिकअप जीप बानपा–३ कृषि गाउँमा दुर्घटना भएको जिल्ला प्रहरी कार्यालय बागलुङले जनाएको छ।
दुर्घटनामा परी बागलुङ नगरपालिका–१ रामरेखा बस्ने ६० वर्षीय कविराज थापा गम्भीर घाइते भएका जिप्रका बागलुङका प्रहरी निरीक्षक बसन्त बहादुर भुजेलले बताए।
घाइते थापाको धौलागिरी अस्पताल बागलुङमा प्रथामिक उपचारपछि उप उपचारको लागि मणिपाल अस्पताल पोखरा रिफर गरिएको प्रनि भुजेलले जानकारी दिए। जीपमा चालकसहित दुई जना सवार रहेको र चालक फरार रहेको जिल्ला प्रहरी कार्यालय बागलुङले जनाएको छ।
