काठमाडौं । भुक्तानी सेवा प्रदायक वालेट सेवाको भुक्तानी सङ्ख्याको सीमा दोब्बरले बढेको छ । नेपाल राष्ट्र बैङ्कले भुक्तानी प्रणालीसम्बन्धी एकीकृत निर्देशन संशोधन गर्दै भुक्तानी सेवा प्रदायकले सञ्चालन गरेका वालेटमा रकम जम्मा गर्ने सीमा (सङ्ख्या) लाई अस्थायी रूपमा वृद्धि गर्दै दैनिक २० पटक पुर्याइदिएको हो ।
यसअघि यस्तो व्यवस्था प्राकृतिक व्यक्तिको वालेटमा एक दिनमा बढीमा १० पटकसम्ममा रकम जम्मा गर्न सकिने व्यवस्था रहेको थियो । तथापि, यस्तो सीमा परिवर्तन २०८० कात्तिक २४ गतेदेखि २०८० मङ्सिर ३ गतेसम्म मात्र सुविधा उपलब्ध हुने केन्द्रीय बैङ्कले जनाएको छ ।
