टी-२० विश्वकप एसिया छनोटको उपाधिका लागि ओमानविरूद्ध ब्याटिङ गरिरहेको नेपालले ७ ओभरमा ३ विकेट गुमाएको छ।
सातौं ओभरसम्म पुग्दा ओपनर आशिफ शेख, कुशल भुर्तेल र सन्दीप जोरा आउट भएका हुन्।
आशिफ शेख २,४ ओभरमा, जोरा ६।, ओभरमा र कुशल भुर्तेल ७.१ ओभरमा आउट भएका हुन्। ६ बल खेलेका आशिफ ६ रन बनाउँदै आउट भए। उनी ओमानका बिलाल खानको बलिङमा काश्यप प्रजापतिबाट क्याच आउट भए।
आशिफको विकेटपछि आएका जोरा १३ बल खेलेर १० रन बनाउँदै आउट भए। उनी जिसन मक्सुदबाट बोल्ड भए।
७.१ ओभरमा अर्का ओपनर कुशल भुर्तेल आउट भए। उनी अकिब इलियासको बलमा मेरान खानबाट क्याच आउट भए।
कुशलले २२ बलमा ३ चौका र २ छक्का प्रहार गर्दै ३१ रनको योगदान गरे। अहिले कुशल मल्ल र कप्तान रोहित पौडेल ब्याटिङमा छन्।
८.२ ओभर सकिँदा नेपाल ५१ रन बनाएर खेलिरहेको छ।
