काठमाडौं । एसीसी यू–१९ प्रीमियर कप क्रिकेटमा नेपालले दोस्रो जीत निकालेको छ । आइतवार बहराइनलाई ७ विकेटले पराजित गर्दै नेपालले लगातार दोस्रो जीत निकालेको हो ।
बहराइनले दिएको ७८ रनको लक्ष्य नेपालले तीन विकेटको क्षतिमा ११।४ ओभरमै हासिल गर्न सफल भयो ।
आजको खेलमा देव खनाल र अर्जुन कुमालले समान ३२ रन बनाए ।
नेपालले समूहको तेस्रो तथा अन्तिम खेलमा साउदी अरबसँग प्रतिस्पर्धा गर्नेछ । समूहको विजेता सेमिफाइनल पुग्ने छ । त्यसकारण पनि यो प्रतियोगितामा नेपालले सेमीफाइनलको यात्रा तय गर्न सक्ने सम्भावना बढेको छ ।
