काठमामौं । सरकार फेरबदलको चक्करमा परेको कोशी प्रदेशमा फेरि नयाँ सरकार बन्ने भएको छ।
मुख्यमन्त्री हिक्मतबहादुर कार्कीले राजीनामा दिएसँगै प्रदेश प्रमुख पर्शुराम खापुङले नयाँ सरकार गठनका लागि दाबी पेस गर्न आह्वान गरेका छन्।
शनिबार सूचना जारी गर्दै प्रदेश प्रमुख खापुङले शुक्रबार साँझ पाँच बजेभित्र विश्वासको मत प्राप्त गर्ने सक्ने कुनै पनि प्रदेश सभाका सदस्यहरुलाई दाबी पेस गर्न आह्वान गरेका हुन्।
प्रदेश सभामा विश्वासको मत प्राप्त गर्नसक्ने अवस्था नभएपछि कार्कीले शनिबार मुख्यमन्त्री पदबाट राजीनामा दिएका हुन्। सर्वोच्चको परमादेशबाट मुख्यमन्त्री भएका कार्कीले आज विश्वासको मत लिने कार्यसूची थियो।
अब कोशीमा संविधानको धारा १६८ को उपधारा ५ अनुसार प्रदेश सरकार गठन हुनेछ। जसका लागि कुनै पनि सदस्यले सरकारको नेतृत्व लागि दाबी पेस गर्न सक्नेछन्।
