काठमाडौं । कोशी प्रदेशका मुख्यमन्त्री हिक्मतकुमार कार्कीले आज प्रदेशसभामा विश्वासको मत लिँदै छन् । विपक्षी गठबन्धन र राप्रपाले उनलाई विश्वासको मत नदिने निर्णय गरेसँगै कार्की नेतृत्वको सरकार अप्ठ्यारो अवस्थामा छ ।
मुख्यमन्त्री कार्कीसँग उपसभामुखसहित ४० प्रदेशसभा सदस्यको मात्रै समर्थन छ । जबकि विपक्षी गठबन्धनमा कांग्रेसका २९, माओवादी केन्द्रका १३, एकीकृत समाजवादीका ४ र जसपाका १ गरी ४७ सदस्य छन् ।
सर्वोच्च अदालतको परमादेशपछि गत भदौ २२ गतेमा हिक्मतकुमार कार्की कोशी प्रदेशको मुख्यमन्त्रीमा नियुक्त भएका थिए । उनी संविधानको धारा १६८ को उपधारा ३ बमोजिम ठूलो दलको नेताको हैसियतले मुख्यमन्त्री नियुक्त भएका कार्की आज प्रदेशसभामा विश्वासको मत लिने तयारीमा छन् ।
