दाङ । पोखराबाट सुर्खेत जाँदै गरेको बस दाङमा दुर्घटना भएको छ । सोमबार बिहान ५ बजे पोखराबाट सुर्खेत जाँदै गरेको ग १ ख ८४८५ नम्बरको बस पूर्वपश्चिम राजमार्गस्थित लमही नगरपालिका ४ बनगाउँस्थित बबई सोता पुलबाट खसेर दुर्घटना हो ।
जिल्ला प्रहरी कार्याल दाङका डिएसपी जनक मल्लका अनुसार १६ यात्रु सवार बस अनियन्त्रित भई सडकबाट १० मिटर तल खस्दा १४ यात्रु घाइते भएका छन्।
घाइतेहरुको लमहीमा उपचार भइरहेको छ । बसमा सवार अन्य दुइ जना सकुशल रहेको प्रहरीले जानकारी दिएको छ।
