काठमाडौं । प्रतिनिधिसभाका सभामुख देवराज घिमिरेले सूचनाको हकलाई असर पार्ने ढङ्गले हुने प्रजारबाजीलाई नियन्त्रण गर्नुपर्ने बताएका छन् ।
बिहीबार काठमाडौंमा आयोजित सूचनाको हकको लागि प्रथम राष्ट्रिय सम्मेलनमा सभामुख घिमिरेले सूचनाको हकलाई दुरूपयोग गर्ने प्रयत्नहरू भएको बताएका हुन् । उनले भने, ‘सूचनाको हकलाई दुरूपयोग गर्ने प्रयत्नहरू भएका छन् । चर्चा परिचर्चामा सूचनाको हकलाई असर पार्ने ढङ्गबाट हुने प्रचारलाई नियन्त्रण गर्नुपर्छ ।’
विगतको प्रतिबन्धलाई तोडेर पनि सूचना प्रवाह गर्ने कुराहरूमा हिजोका गलत परिपार्टी र प्रणालीलाई सुधार गरेर अगाडि बढ्नुपर्ने उनको भनाइ छ । सभामुख घिमिरेले प्रजातन्त्रको स्थिरता र समृद्धिको लागि सबै निकायहरू जवाफदेही ढङ्गले काम गर्न सकुन भन्ने अर्थमा संञ्चार क्षेत्रले भूमिका खेल्नुपर्ने बताए ।
