काठमाडौं । ६० किलो सुन तस्करी प्रकरणमा थप एक आरोपिलाई सीआईबीले भारतबाट पक्राउ गरेर ल्याएको छ ।
नेपाल प्रहरीको केन्द्रीय अनुसन्धान ब्युरो (सीआईबी)को टोलीले भारतबाट रुपन्देहीका सुमन खरेललाई पक्राउ गरेर काठमाडौं ल्याएको हो ।
उनीमाथी अनुसन्धान गर्न प्रहरीले म्याद लिइसकेको प्रहरीका केन्द्रीय प्रवक्ता डीआईजी कुवेर कडायतले बताए ।
उनी तस्करीको सुन व्यापारीसम्म पु¥याउने कार्यमा संलग्न रहेको अनुसन्धानमा देखिएको प्रहरीको दाबी छ । सुन तस्करी गर्ने चिनियाँहरु काठमाडौंमा पक्राउ पर्न थालेपछि उनीभारत भागेका थिए ।
तर प्रहरीले भारतमा समेत अनुसन्धान टोली पठाएको थियो । यसअघि तस्करीमा संलग्न किशोर बस्नेतलाई पनि सीआईबीले भारतबाट पक्राउ गरेर ल्याएको थियो ।
सुन तस्करी प्रकरणमा पक्राउ पर्नेको संख्या २७ पुगेको छ । सीआईबीका अधिकारी हङकङ पनि पुगेका छन् ।
गत साउन ३ गते त्रिभुवन अन्तर्राष्ट्रिय विमानस्थलबाट भन्सार जाँचपास भएर बाहिरिएको ६० किलो सुन राजस्व अनुसन्धान विभागको टोलीले बरामद गरेको थियो ।
साउन २१ देखि सीआईबीले अनुसन्धान गरिरहेको छ ।
