काठमाडौं । प्रतिकिलो डेढसय हाराहारी पुगेको गोलभेडाको थोक मूल्य घट्न थालेको छ । कालिमाटी फलफुल तथा तरकारी बजार विकास समितिका अनुसार महँगीको मारमा परेको गोलभेडाको भाउ विस्तारै घट्न थालेको हो ।
विकास समितिकाअनुसार आज ठूलो नेपाली गोलभेडाको थोक मूल्य प्रतिकिलो ८५ रुपैयाँ छ । हिजो पनि यही मूल्यमा कारोबार भएको गोलभेडा विहीबार भने प्रतिकिलो १०० रुपैयाँमा कारोबार भएको थियो ।
यस्तै, आज भारतीय ठूलो गोलभेडाको मूल्य प्रतिकिलो १०५ रुपैयाँ छ । विहीबार भारतीय ठूलो गोलभेडाको थोक मूल्य प्रतिकिलो १५० रुपैयाँ थियो । यसबाहेक, आज सानो लोकल गोलभेडाको मूल्य प्रतिकिलो ५१ रुपैयाँ छ ।
विकास समितिकाअनुसार रातो आलु ५३ रुपैयाँमा कारोबार भइरहेको छ भने सुकेको प्याजको थोक मूल्य प्रतिकिलो ७४ रुपैयाँ छ । यस्तै, गाजर ११०, बन्दा ५०, काउली ६५ रुपैयाँ र रातो मुला ६५ रुपैयाँ छ ।
विकास समितिको वेभसाइटमा प्रकाशित मूल्यसूचीअनुसार लाम्चो भन्टाको थोक मूल्य ६५ रुपैयाँ, बोडीको ८५ रुपैयाँ, घिउ सिमिको ८६ रुपैयाँ भने तितेकरेला ८६ रुपैयाँ प्रतिकिलो हुँदा परवर ६० रुपैयाँमा कारोबार भइरहेको जनाइएको छ ।
