काठमाडौं । साउन २ गते त्रिभुवन अन्तर्राष्ट्रिय विमानस्थल भन्सार बाहिरबाट जफत गरिएको सुनको यकिन तौल ६० किलो ७१६ ग्राम किलो कायम भएको छ । बरामद सुन मंगलवार गालेर जोख्दा ६० किलो ७१६ ग्राम किलो भएको राष्ट्र बैंकको टक्सार महाशाखा प्रमुख थानेश्वर आचार्यले जानकारी दिए ।
उनका अनुसार ७३ ग्राम सुन जर्तीमा गएको हो । मोटरसाइकलको ब्रेक सुमा लुकाएर ल्याएको सुन हिजादेखि जोख्ने प्रक्रिया शुरू गरिएको थियो । ब्रेक सुबाट निकालिएको सुन निकाल्दा हिजो ६० किलो ७ सय ८९ ग्राम भएको थियो ।यसअघि ब्रेक सुबाट छुट्याइएको सुन गालेर बिस्कुट आकार बनाइएको थियो । त्यसअघि ब्रेक सुसहितको तौल १४५ किलो भएको थियो ।
