बागलुङ । झाडीमा लुकाइ राखेको अवस्थामा प्रहरीले बागलुङको गलकोटबाट ६ नाल भरुवा बन्दुक बरामद गरेको छ । गलकोट नगरपालिका–१ को हलहलेस्थित जनएकता सामुदायिक वनको पिकनिक स्पट नजिकै झाडीमा लुकाइ राखेको अवस्थामा १ नाल र वडा नं ३ को माम्ले देउरालीस्थित भगवतीस्थान सामुदायिक वनको गोरेटोबाटो छेउको ओडारमा ५ नाल बन्दुक भेटिएको हो । जिल्ला प्रहरी र हटिया प्रहरी चौकीको टोलीले ती हतियार भेटाएको हो ।
सुराकीको आधारमा साउन ७ गतेदेखि खोजी अभियान जारी राख्दा साउन २३ गते सम्ममा ती बन्दुक भेटिएको प्रहरी नायब उपरीषक मदन केसीले बताए । हतियार बरामद भए पनि कसले लुकाएको भन्ने पत्ता लगाउन प्रहरीले अनुसन्धान जारी राखेको छ ।
