काठमाडौं । गृह मन्त्रालयले तीन जिल्लाका प्रमुख जिल्ला अधिकारी (सिडिओ) हेरफेर गरेको छ । खोटाङ, अछाम र जाजरकोटमा नयाँ सिडिओ पठाइएको हो । खोटाङमा सहसचिव सन्तबहादुर सुनुवारलाई जिम्मेवारी दिइएको छ । खोटाङमा सिडिओ रहेका भोराज खतिवडामाथि भ्रष्टाचार मुद्दा दायर भएपछि उनी निलम्बनमा परेका थिए ।
त्यस्तै, अछाममा शरदकुमार पोखरेललाई पठाइएको छ । उनी मोरङमा सहायक प्रमुख जिल्ला अधिकारीका रूपमा कार्यरत थिए । जाजरकोटमा उपसचिव सुरेश सुनुवारलाई सिडिओमा खटाइएको छ । सुनार गृह मन्त्रालयमा कार्यरत थिए ।
