काठमाडौं । नेकपा माओवादी केन्द्रका उपाध्यक्ष कृष्णबहादुर महराले सुन प्रकरणमा आफ्नो सम्लग्नता नरहेको स्पष्ट पारेका छन् । बिहीबार सामाजिक सञ्जालमार्फत महराले सो प्रकरणमा उल्लेख भएको मोबाइल नम्बर आफ्नो नभएको बताएका हुन् ।
पूर्व सभामुख महराले आवश्यक परे निष्पक्ष छानबिनमा सहयोग गर्ने समेत प्रतिबद्धता ब्यक्त गरेका छन् । र उनले अनावश्यक भ्रममा नपर्न सबैलाई आग्रह गरेका छन् ।
उनले लेखेका छन्,‘केहि दिन यता संचारमाध्यम बाट सुन प्रकरण मा मेरो नाम जोडिएर आईरहेको बिषय यस अघि नै प्रष्ट पारिसकेको जानकारी गराउन चाहान्छु । फेरी पनि थप स्पष्ट गर्न चाहान्छु कि यस कार्यमा आफ्नो कुनै पनि संलग्नता नरहेको स्पष्ट पार्न चाहान्छु । जहा सम्म मैले फोन गरेको भनी मेरो नाम र उल्लेख गरिएको फोन नम्वर मेरो नभएको र मैले प्रयोग नगरेको पनि थप प्रष्ट पार्न चाहान्छु साथै आवश्यक परे निष्पक्ष छानबिनमा मा सहयोग गर्ने प्रतिबद्धता जनाउछु । अनावश्यक भ्रम मा नपर्न सबैमा हार्दिक आग्रह गर्दछु ।’