काठमाडौं । बालुवाटारस्थित ललिता निवास जग्गा हिनामिना प्रकरणमा थप दुईजना पक्राउ परेका छन्। पक्राउ पर्नेमा सञ्जयकुमार महर्जन र सकुलानन्द महर्जन हुन्। प्रहरीको केन्द्रीय अनुसन्धान ब्यूरो (सीआईबी) का एसएसपी दिनेश आर्चायले नक्कली मोही बनेर जग्गा हिनामिनामा संलग्न देखिएको आरोपमा उनीहरू पक्राउ परेका हुन्।
दुवैजना २०५९ / २०६७ सालमा मोही बनेको देखिएको छ । योसँगै ललिता निवास प्रकरणमा पक्राउ पर्नेको संख्या २३ पुगेको छ। यसअघि निर्वाचन आयोगका पूर्वआयुक्त सुधीरकुमार शाह, भाटभटेनी सुपरमार्केटका सञ्चालक मीनबहादुर गुरूङलगायत २१ जना पक्राउ परेका थिए।
