काठमाडौं । सुदुरपश्चिम प्रदेशका आन्तिरि मालिला तथा कानुन मन्त्री पृथ्वीबहादुर सिंह सवारी सरकारी गाडी दुर्घटना भएको छ । मन्त्री सवार सुपप्र ०१००१ झ ४८० नम्बरको गाडी डडेल्धुराबाट चैनपुर आउने क्रममा बझाङको केदारस्युँ गाउँपालिकाको धारछडा भन्ने स्थानमा दुर्घटना भएको हो ।
जिल्ला प्रशासन कार्यालय बझाङकी सहायक प्रमुख जिल्ला अधिकारी सत्यकुमारी जोशीका अनुसार गाडी सडकबाट अन्दाजी ५० मिटर तल कालंगा खोला किनारमा खसेको हो ।
दुर्घटनामा परी मन्त्री सिंहसहित ५ जना घाइते भएका छन् । खुट्टा र अनुहारमा चोट लागेका मन्त्री सिंहको केदारस्युँ गाउँपालिका १ देउरास्थित ॠतु पोलिक्लिनिकमा उपचार भइरहेको छ भने अन्य बाँकीको रायल प्राथमिक स्वास्थ केन्द्रमा उपचार भइरहेको छ । घाइते भएका मन्त्रीलाई हेलिकप्टरबाट काठमाडौं पठाउने तयारी भइरहेको सहायक प्रमुख जिल्ला अधिकारी जोशीको भनाइ छ ।
