धनुषा । मधेश सरकारमा रहेका माओवादीका मन्त्रीहरूले आज राजीनामा बुझाउने भएका छन् । यसअघि ९ जेठमा प्रदेशसभा संसदीय दलले सरकारबाट बाहिरिने निर्णय गरे पनि मन्त्रीहरूले राजीनामा दिएका थिएनन् । आज उनीहरूले साढे पाँच बजे मुख्यमन्त्री सरोजकुमार यादवलाई राजीनामा बुझाउने एक माओवादी नेताले जानकारी दिए ।
अहिले मधेश सरकारमा माओवादीबाट सुनिता यादव मन्त्री र रहबर अन्सारी राज्यमन्त्री छन् । जनता समाजवादी पार्टीको नेतृत्वमा रहेको मधेश सरकारमा माओवादीले आफ्नो पार्टीलाई दुई मन्त्रालय चाहिने दाबी गर्दै आएको थियो । तर मुख्यमन्त्री यादवले भने एक मात्र मन्त्रालय दिन सकिने बताउँदै आएका थिए ।
