बारा । बारामा आफ्नै १४ दिनको छोराको हत्या आरोपमा बाबु पक्राउ परेका छन् । जेठ १४ गते बेलुका आफ्नैछोराको हत्या शिशुको हत्या गरेर फरार रहेका आरोपित बुवा पक्राउ परेको प्रहरीले जनाएको छ ।
काठमाडौं उपत्यका अपराध अनुसन्धान कार्यालयका प्रवक्ता एसपी रवीन्द्र रेग्मीले एकजना पुरुषलाई पक्राउ गरेको जानकारी दिएका हुन्। प्रहरीले बारा देवताल गाउँपालिका-४ तिप्रडी टोल बस्ने २५ वर्षीय नुर आलम अन्सारीलाई पक्राउ गरेको हो।
जिल्ला प्रहरी कार्यालय बाराले उनलाई पक्राउ गरिदिन पत्राचार गरेपछि प्रहरीले काठमाडौंको चन्द्रागिरि नगरपालिका-१५ ढुंगेअड्डा पिपलबोटबाट मंगलबार साँझ साढे ५ बजे उनलाई पक्राउ गरेको हो। प्रहरीले उनलाई थप अनुसन्धानका लागि बारा पठाएको छ।
