काठमाडौं । २२ वर्षीया युवतीलाई जबरजस्ती करणी गरेको आरोपमा एक युवक समातिएका छन् । नुवाकोट घर भई हाल काठमाडौंको नागार्जुन बस्दै आएका ३५ वर्षीय कृष्ण तामाङलाई प्रहरीले बलात्कारको अभियोगमा पक्राउ गरेको हो ।
तामाङले ती युवतीलाई पीडितकै कोठामा करणी गरेको उजुरीको आधारमा स्वयम्भू वृत्तबाट खटिएको प्रहरी टोलीले उनलाई आज बिहान नियन्त्रणमा लिएको जनाइएको छ । प्रहरीले आरोपित तामाङ उपर आवश्यक अनुसन्धान गरिरहेको छ ।
