काठमाडौं । संघीय संसद्का दुवै सदनका बैठक मंगलबार बस्दैछन्। संसद् सचिवालयका अनुसार प्रतिनिधिसभाको बैठक आज बिहान ११ बजेबाट सुरु हुनेछ भने राष्ट्रियसभाको बैठक बिहान ११ बजेर ११ मिनेट जाँदा बस्नेछ।
प्रतिनिधिसभाको बैठकमा आगामी आर्थिक वर्ष २०८०/०८१ बजेट बारेको छलफल जारी रहनेछ। यता राष्ट्रियसभाको बैठकमा प्रधानमन्त्री पुष्पकमल दाहाल ‘प्रचण्ड’ले सम्बोधन गर्ने कार्यक्रम रहेको सचिवालयले जनाएको छ।
यसैगरी, आजको राष्ट्रियसभाको बैठकमा राष्ट्रियसभा अध्यक्ष गणेशप्रसाद तिमिल्सिनाले राष्ट्रपतिको कार्यालयबाट प्राप्त पत्रबारे जानकारी गराउने, अर्थमन्त्री डा। प्रकाशशरण महतले ‘आर्थिक वर्ष २०८०/०८१ को राजस्व र व्ययको वार्षिक अनुमानमाथि सामान्य छलफल गरियोस्’ भन्ने प्रस्ताव प्रस्तुत र यस विषयमा छलफल प्रारम्भ गर्नेछन्।
