काठमाडौं । बाराका पत्रकार महेश्वर अधिकारी सम्पर्कविहीन भएपछि परिवारले खोजीका लागि आग्रह गरेको छ । काठमाडौं कागेश्वरी मनोहरा नगरपालिकामा बसोबास गदै आएका पत्रकार अधिकारी काठमाडौँ महानगरपालिका थापागाउँ, नयाँ बानेश्वरबाट गत शुक्रबार दिउँसो २ बजेदेखि सम्पर्कविहीन भएका हुन्।
शुक्रबार बिहान घरबाट कार्यलय निस्केका उनी अहिलेसम्म सम्पर्कमा नआएपछि परिवारले खोजीका लागि आग्रह गरेको हो । उनले प्रयोग गर्ने मोबाइलसमेत अफ रहेको छ। सम्पर्कविहीन भएको सूचना प्रहरीसम्म पुगेको छ। प्रहरी र आफन्तले शुक्रबारबाट नै खोजी गरेको थियो। तर, उनी कतै फेला परेका छैनन्।
