काठमाडौं । सरकारले आगामी आर्थिक वर्षबाट सवारी साधनको सुविधा प्राप्त गर्ने पदाधिकारीलाई स्वीकृत मापदण्डका आधारमा इन्धनबापतको रकम नै उपलब्ध गराउने भएको छ ।
सोमबार प्रतिनिधिसभा बैठकमा आर्थिक वर्ष २०८०/०८१ को बजेट प्रस्तुत गर्दै अर्थमन्त्री डा.प्रकाशशरण महतले इन्धनबापत निश्चित रकम उपलब्ध गराउने बताएका हुन् ।
यस्तै, सरकारी सवारी साधनको सञ्चालनमा हुने बढ्दो खर्चलाई नियन्त्रण गर्न सरकारी सवारी साधनको सुविधा प्राप्त गर्ने पदाधिकारीलाई तोकिएको मापदण्डको आधारमा रकम नै उपलब्ध गराउने व्यवस्थाको सुरुवात पनि गरिने उनले बताए ।
