काठमाडौं । सरकारले चालु आर्थिक वर्षमा देशको आर्थिक अवस्थाबारे सदनलाई जानकारी गराएको छ । अर्थमन्त्री डा.प्रकाशशरण महतले बजेट ल्याउनु अघिल्लो दिन संसदमा आर्थिक सर्वेक्षण २०७९/८० सार्वजनिक गरे ।अर्थमन्त्री महतले रुस र युक्रेन युद्धको प्रभाव नेपालको अर्थतन्त्रमा पनि परेको बताएका छन् । उनले विश्वमै देखिन थालेको आर्थिक मन्दीको असर नेपालमा पनि देखिएको बताएका छ ।
उनले चालु आर्थिक वर्षमा नेपालको आर्थिक वृद्धिदर २.१६ प्रतिशत सीमित हुने अनुमान रहेको बताए । अर्थमन्त्री महतले पेट्रोलियम पदार्थमा भएको मूल्यवृद्धिको असर समग्र क्षेत्रमा परेको बताएका छन् । रुस र युक्रेनबीचको युद्धका कारण विश्वभर पेट्रोलियम पदार्थको मूल्य बढेको छ ।
