काठमाडौं । प्रधानमन्त्री पुष्पकमल दाहाल ‘प्रचण्ड’ले लिम्पियाधुरा, लिपुलेक र कालापानी फिर्ता ल्याउने बताएका छन् । प्रतिनिधिसभाको बैठकमा उठेका प्रश्नको जवाफ दिँदै प्रचण्डले यी भूमि नेपालकै रहेको भन्दै फिर्ताको प्रक्रियालाई अगाडि बढाउने बताएका हुन् । लिम्पियाधुरा, लिपुलेक र कालापानी नेपालको भूमि भएको र फिर्ता गराउने प्रक्रियालाई अगाडि बढाउने उनको भनाइ छ ।
‘लिम्पियाधुरा, लिपुलेक र कालापानी नेपालकै भूमि हुन्’ प्रचण्डले भने, ‘यस अगाडिका सन्धि, नक्सा र कूटनीतिक पहलबाट समाधान गर्न सरकार दृढ छ ।’
प्रमुख प्रतिपक्षी दलका नेता केपी शर्मा ओलीले नै यी भूमिका विषयमा प्रश्न उठाएका थिए । १७ जेठमा भारत भ्रमणमा जानु अघि प्रधानमन्त्रीले संसद्मा भूमि फिर्ता गर्ने प्रक्रिया अगाडि बढाउन तयार रहेको बताएका हुन् ।
