काठमाडौं । मंगलबार दिउँसो सिंहदरबारमा बसेको सत्तारुढ दलको बैठक सम्पन्न भएको छ । प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को नेतृत्वमा बसेको बैठकमा नेपाली कांग्रेसका सभापति शेरबहादुर देउवा, नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादव, जनमत पार्टीका अध्यक्ष डा.सिके राउत, लोकतान्त्रिक समाजवादी पार्टीका अध्यक्ष महन्थ ठाकुर लगायतका नेता सहभागी थिए ।
सरकारले जेठ ५ गते संघीय संसदको दुवै सदनमा आगामी आर्थिक वर्षको नीति तथा कार्यक्रम प्रस्तुत गर्ने कार्यक्तम तय भएको छ। मुख्यगरी, सत्तारुढ दलको बैठक यसै विषयमा केन्द्रित भएको एक नेताको भनाइ छ । आजको बैठकमा नीति तथा कार्यक्रम तथा बजेटका विषयमा पनि छलफल भएको थियो ।