काठमाडौं । नक्कली भुटानी शरणार्थी प्रकरणमा पक्राउ परेका नेकपा एमालेका नेता टोपबहादुर रायमाझीको बयान सकिएको छ।
जिल्ला सरकारी वकिल कार्यालय काठमाडौंले लिएको रायमाझीको बयान सोमबार राति अबेर सकिएको सरकारी वकिल कार्यालय स्रोतले जनाएको छ।
सरकारी वकिलको कार्यालयका उपन्यायाधीवक्तासहित जिल्ला प्रहरी परिसर काठमाडौँमा मुद्दा शाखाका डिएसपी निरञ्जन भट्टसहितको टोलीले एमालेका निलम्बित सचिवको बयान लिएको हो।
हिजै जिल्ला अदालत काठमाडौंमा न्यायाधीश केशवप्रसाद अधिकारीको इजलासले रायमाझीलाई ३ दिन हिरासतमा राखेर अनुसन्धान गर्न प्रहरीलाई अनुमति दिएको थियो।
सोही प्रकरणमा पक्राउ परेका बालकृष्ण खाण बयान पनि हिजै लिइएको हो। थप आज पनि उनको बयान लिने भएको छ ।
