गलकोट । प्रेस सेन्टर नेपाल, बागलुङले स्थापना गरेको भक्त जगकुमारी स्मृति पत्रकारिता पुरस्कार र श्याम चन्द्रकली स्मृति पुरस्कारबाट दुई जना पत्रकार सम्मानित भएका छन् ।
प्रेस सेन्टर, नेपाल बागलुङको १५ औँ वार्षिक साधारणसभाकाे अवसरमा भक्त जगकुमारी स्मृति पत्रकारिता पुरस्कारबाट जीवनकला खत्री (सरिता) र श्याम चन्द्रकली स्मृति पत्रकारिता पुरस्कारबाट रामकृष्ण बोहरा सम्मानित भएका हुन् ।
सम्मानित दुवै जनालाई १०-१० हजार नगदसहित सम्मान पत्र प्रदान गरिएको प्रेस सेन्टर नेपाल बागलुङका अध्यक्ष थम्मन थापाले जानकारी दिए ।
पुरस्कार नेकपा (माओवादी केन्द्र)का केन्द्रीय सदस्य बलावती शर्मा र प्रेस सेन्टर, नेपालका महासचिव सन्तोष पौडेलले प्रदान गरेका थिए ।
