काठमाडौँ । शनिबार बिहान काठमाडौँ महानगरपालिकाका मेयर बालेन शाहले फेसबुकमा स्टाटस लेखे,’ आजबाट सिंहदरबारको फोहोर उठ्दैन ।‘ ‘साच्चिकै देश सफा गर्नु परे, त्यहाँका नेताहरूलाई सिस्डोलमा डम्प गर्नु पर्ने’ साहले चेतावनी दिएका थिए ।
हिजो बिदा भएकाले सिंहदरबारबाट फोहोर उठ्ने कुरै भएन । तर, आज (आइतबार) भने कार्यालय समयअगावै उठ्नुपर्ने फोहोर अहिलेसम्म उठाइएको छैन । बालेनले घोषणा गरेको २४ घण्टामै सिंहदरबारको फोहोरको फोहोर उठ्न छोडेको हो । सिंहदरबारको फोहोर पुतली बगैचामा थुपारिएको छ ।
यससँगै स्थानीय सरकार र संघीय सरकारबीच द्वन्द्व सिंहदरबारबाट सुरु भएको छ । सिंहदरबार परिसरको फोहोर उठाउने जिम्मा काठमाडौँ महागनरपालिकाले निजी कम्पनीलाई सुम्पेको छ । परिवर्तन सेवा प्रालिले महानगरको आदेश आएपछि मात्र फोहोर उठाउने संकेत गरेको छ ।