काठमाडौं । सत्ता गठबन्धनको बैठकले बिहीबार बेलुकीसम्म मन्त्रिपरिषदलाई पूर्णता दिने निर्णय गरेका छन् ।
आज अपराह्न बालुवाटारमा बसेको गठबन्धन बैठकले मन्त्रालय भागबन्डामा सहमति गरेका छन् । तर कुन दलले कुन मन्त्रालय लिने अझै टुंगो लागिसकेको छैन।
बैठकमा सहभागी जसपा वरिष्ठ नेता राजेन्द्र श्रेष्ठले बिहीबार बेलुकीसम्म मन्त्रिपरिषदले पूर्णता पाउने बताए ।
‘मन्त्रालय भागबन्डा लगभग टुंगिएको छ। भोलि बेलुकीसम्म मन्त्रिपरिषद बिस्तार हुन्छ,’ श्रेष्ठले भने, ‘राष्ट्रिय जनमोर्चाबाहेक ९ दल सरकारमा सहभागी हुन्छन् ।’
नेपाली कांग्रेसले ८ मन्त्रालय पाउने भएको छ । यस्तै माओवादीले ५, जसपा र एकीकृत समाजवादीले २ २, अन्य दलले एक एक मन्त्रालय पाउने सहमति भएको बालुवाटार स्रोतले न्यूज खरीलाई जानकारी दिएको छ ।
